Кылган чәчкә атканда...

Урау юллар урау түгел

Яшьлегемә кайтканда,

Уй-хыяллар, мине узып,

Аргамактай чапканда,

Кылган чәчкә атканда...

Сандугачларны җырлатып

Җәйге таӊнар атканда,

Юллардагы киртәләрне

Берни дими ватканда,

Кылган чәчкә атканда...

Еллар карын, юллар чаӊын

Иңнәремнән какканда,

Хыялларым кошлар кебек

Биеклеккә ашканда,

Кылган чәчкә атканда...

Кылган чәчкә атканда,

Яшьлегемә кайтканда...

"КУ" 06,2016

Фото: pixabay