Көй

Безне моңландырган дөнья

Беркөн сезгә каласы.

Бу хәятта көй тапсагыз,

Сездер милләт баласы.

Ә ул көйне гомер бакый

Эзләргә дә эзләргә.

Көйсезне дә көйле итеп,

Яшәү язсын сезгә дә.

Сезгә дә язсын моңнардан

Чайпалып түгелергә...

Ә ул көйнең чишмә башы

Әнкәйләр күңелендә.
 

"КУ"08,2021

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: