Логотип Казан Утлары
Шигърият

Күпме юллар уздың җәяүләп...

Күпме юллар уздың җәяүләп, Күпме юллар яздың өздереп! Хәтерләсәң, йөрдек җәяүләп, Казан урамнарын бер итеп.

Әтиемә

Күпме юллар уздың җәяүләп,

Күпме юллар яздың өздереп!

Хәтерләсәң, йөрдек җәяүләп,

Казан урамнарын бер итеп.

Күпме галәм таптык күгендә!

Күпме дөнья гиздек хыялда...

Ничә әкият салдык күңелгә

Ташка каткан кичке калада...

Ничә еллар узды әкиятсез.

Никадәр юл ялгыз узылган.

Ничә илне гизсәм дә синсез,

Хәтеремдә: кулым – кулыңда,

Урыйбыз без Казан урамын,

Бер хыялга икәү уралып...

 

"КУ" 10, 2020

Фото: pixabay

Теги: поэзия

Иң мөһим һәм кызыклы язмаларны Татмедиа Telegram-каналындаукыгыз

Нет комментариев