Логотип Казан Утлары
Шигърият

Кичке яшен кисәтүе

Яшен ымлый: кыңгыр эшне каплап торган кара пәрдә... ак җеп белән тегелә.

Кичке күктә терек нурдай яшен эзе

шаккатыргыч җете булып чагыла.

Кемдер безгә сызып-сызып дәрес бирә –

сихрилектән дертләп куям чак кына.

Яшеренлек таләп иткән яманлыкны

күрсәтмичә тота алмый төн генә.

Яшен ымлый: кыңгыр эшне каплап торган

кара пәрдә... ак җеп белән тегелә.

Күкләр безгә сызып-сызып тәгълим кыла...
 

 

"КУ" 07, 2021

Фото: pixabay

Теги: шигырь поэзия

Иң мөһим һәм кызыклы язмаларны Татмедиа Telegram-каналындаукыгыз

Нет комментариев