Логотип Казан Утлары
Шигърият

Хикмәтле химая

Могҗизалы күкләр химаясен аклый алсам иде җирдә мин.

Ала-чола нәсел агачына

карый-карый, бүген яр салдым:

«Ничек әле яңа яфрак булып

аның ботагында яралдым?»

Гаҗәпсенәм Аллаһ рәхмәтенә –

галәменә күпме кот өргән!

Газиз анам миңа насыйп җанны

тыны белән тартып китергән...
Аңа зурлап дәшәм: «Гомер бакый

фәрештәдәй яшәп кал, яме?..»

Әлмисакта безнең шәҗәрәне

шулай күргән тәкъдир каләме.

...Өерелеп килгән уйларыма

җавап эзли-эзли йөдәдем.

Могҗизалы күкләр химаясен

аклый алсам иде җирдә мин.
 

"КУ" 07, 2021

Фото: pixabay

Теги: шигырь поэзия

Иң мөһим һәм кызыклы язмаларны Татмедиа Telegram-каналындаукыгыз

Нет комментариев