Хат

Тузларны төннән сорадым,

Сүзләрне күңел тезде.

Яшеннәрдәй шашкын хисләр

Каләм кылларын өзде...

Үксеп еларга кыймадым,

Яңгырлар күптән бизде.

Күңелдә күкләр күкрәде,

Күзләрдә – чүлләр эзе...
Барын яхшыга юрадым –

Төнне, каләмне, эзне...

Сабырлар саеккач кыен –

Язлар куалмый көзне...

Күкләрне туз дип белдем лә...

Сүзләрне күңел тезде...

Йолдызлардан хатлар яздым –

Күктән укыгыз безне...
 

"КУ" 06, 2023

Фото: unsplash