Хат

Эдуардас Межелайтистан

Ап-ак кар. Зур юрган. Киндердән.

Хакыйкать. Хаттагы юлларда.

Җил. Буран. Хат. Хәбәр. Боз кебек.

Кич. Суык. Файда юк юрганнан.

Кар. Тышта. Урамда. Һәр төштә.

Бөркелә. Торбадан. Күк төтен.

Тәрәзә. Шакымый. Беркем дә.

Бик суык. Битемнән. Үпте төн.

Кешегә. Бик кирәк. Җылылык.

Дөньяда. Җылылык. Бик кирәк.

Кеше дә. Бик кирәк. Кешегә.

Ник беркем шакымый? Түз, йөрәк.

Кар. Буран. Хат. Хәбәр. Боз кебек.

Кич. Суык. Котыра. Чамасыз.

Кар. Ап-ак. Зур юрган. Киндердән.

Хакыйкать. Кара төн. Чарасыз.

 

"КУ" 10, 2019

Фото: pixabay

Теги: шигырь

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: