Логотип Казан Утлары
Шигърият

Кем икән?

Кем ул хыял илең буйлап Атлап килә вак кына?

Җавап бирмә, дәшмә, йәме?

Күзләремә бак кына.

Кем ул хыял илең буйлап

Атлап килә вак кына?

Кем ул йокыңны урлаган?

Кем яралган ак таңнан?

Кем ул тормышыңа кереп

Хисләреңне актарган?

Кем ул назлы җилләр кебек

Битләреңә кагылган?

Кем ул ташкын җырлар булып

Йөрәгеңнән агылган?

Кем соң яфрак саны кадәр

Өмет бүләк итүче?

Кем мәхәббәт күпереннән

Бәхетеңә илтүче?

Кем ул очрашуга килгән

Хәтта сихри төшеңдә?

Кемне бер көн күрми торсаң,

Салкын җилләр өшетә?

Күзләреңнән җавап итеп

Үземне эзләп таптым...

 

"КУ" 03, 2017

Фото: pixabay

Теги: поэзия

Иң мөһим һәм кызыклы язмаларны Татмедиа Telegram-каналындаукыгыз

Нет комментариев