Логотип Казан Утлары
Шигърият

Кайтып киләм

Менә инде ике гасыр аша Хәрби бурыч үтәп кайтып киләм.

Мин – океанга баткан титан көймә,

Экипажым тулы, үзем белән.

Менә инде ике гасыр аша

Хәрби бурыч үтәп кайтып киләм.

Туасы иде безнең балалар да,

Белеп булмый, туды микән алар?

Илләр ерак. Аннан ераграк

Безне өскә күтәрәсе язлар.

Экипажым тулы, үзем белән,

Һәркем постта тора, урынында.

Югалткандыр безне өйдәгеләр,

Хатларыбыз җибәрелми тора.

Илнең игътибары вискасларда,

Авторалли сөргән далаларда.

Әтиләрен өскә күтәрүдә

Безнең өмет бары балаларда.

Исән үссен без күрмәгән уллар,

Исән яши күрсен күргәне дә.

Океан төпләреннән, туган илем,

Мөмкин түгел сәлам җибәрергә.

Хәрби бурыч үтәп кайтып киләм,

Экипажым тулы, үзем белән.

Тагын нишлим, боерык бир, Ватан,

Ул үтәлер, берни тормас бездән.

 

"КУ" 04, 2017

Фото: pixabay

Теги: поэзия

Иң мөһим һәм кызыклы язмаларны Татмедиа Telegram-каналындаукыгыз

Нет комментариев