Кайда ялган, кайда дөреслек?.. (дүртьюллыклар)

Томана

Китапларга кереп чумды ишәк,

Өстәленә өйде һәммәсен.

Күпме эзләсә дә... табалмады

Яшәү белән үлем мәгънәсен.

«Формула-1»

Илдә «КамАЗ»ны күтәрдек,

«КамАЗ» безне күтәрде.

Кайтарыгыз азатлыкны –

Сорамыйбыз бүтәнне!

Аллергия

Үлән яки чәчәк тузанымы?

Болар миңа пүчтәк бер нәрсә.

Иң кыены – сәясәтче «брат»

Күзгә әгәр төтен җибәрсә!

Муса. 1944 ел

Күрәсезме, яңа киллер булып

Күтәрелә яңа фашистлар.

Кешелеккә пистолетын төби

Яңа Гитлер, яңа Дантеслар.

Фото: pixabay.com