Кар төшә дә эри...

Кар төшә дә эри,

Кар төшә дә эри...

Әйтәлми дә кала

Әйтерен дә берни...

Әйтере югыйсә

Җыелган бихисап...

Бөтереп, тузгытып

Иләмсез җил исә...

Җилгә әйттең ни дә,

Әйтмәдең ни җилгә –

Үчегеп көлә ул,

Йә ачынып тиргәп...

Җилнең йөгәне юк,

Юк җил дилбегәсе...

Җилнең бар белгәне –

Каерып бөгәсе...

...Күз ачып йомганчы

Кар төшә дә эри...

Көзне лач елатып,

Карусыз җил йөри...

 

"КУ" 11, 2016

Фото: pixabay

Теги: поэзия

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: