Логотип Казан Утлары
Шигърият

Исәнлек билгесе

Артык төче сүзләр әйтеп,  мактанчыктай кыланмыйм, –  иртә таңнан күзем ачкач,  кат-кат шөкер кылам мин.

Артык төче сүзләр әйтеп, 
мактанчыктай кыланмыйм, – 
иртә таңнан күзем ачкач, 
кат-кат шөкер кылам мин.

Колагыма фәрештәләр пышылдаша:
«Тере син!»
Аек башым салмак кына 
инде уйлый төрлесен.

Бәреп керә милләт гаме –
шул иң олы исәбем.
Мәҗрух бәгырь сызлый башлый, 
димәк, чынлап исән мин.

"КУ" 07, 2019

Фото: http://www.pixabay.com

Теги: шигырь поэзия

Иң мөһим һәм кызыклы язмаларны Татмедиа Telegram-каналындаукыгыз

Нет комментариев