Илһам чакырам, алга ак кәгазь җәеп...

Илһам чакырам, алга ак кәгазь җәеп:
Каләмем намазга басса, ни гаеп?
«Лә илаһы иллаАлла…» шигырьдә бит
Күп гүзәлгә оедым, алиһә, дип.
Сиңа бәйле бүген Гаташ догасы,
Пакьләнгән рух көтә: вәхи килә, дип!
Тукай тапкан Коръәндә яры исемен,
Мин дә эзлим «Сүрәи Фәләнә…» дип!
Шактый тоттык, каләм, хистә ураза,
Яз! Булсын шигырьле табын. Бу – Гает!

«КУ» 11, 2024

Фото: unsplash