Шигърият

Елмаер ул...

Кабат туып, елмаер ул Актан да ак биләүдә...

Хәләле – кулына йокмый...

Халкым йоклый... Йоклыймы ул,

Әллә киткәнме мәрткә?

Киләчәген...

Кара төстәгеләр

Оттырмаганмы кәрткә?

Халкым йоклый... Вакытлыча

Язмаганмы һушыннан?

Кымшанып, башын да сузмый

Өнсезлек куышыннан.

Халкым йоклый... бәлки, гайрәт

Туплыйдыр бәдәненә.

Язмышына хач куячак,

Иң түбән бәндә генә.

Халкым йоклый... Ләхеттәме?

Кабатлыйм: «Тәүбә! Тәүбә!»

Шикләнмим, канын яңарта

Күтәрелгәнче – тәүдә.

Кабат туып, елмаер ул

Актан да ак биләүдә...

"КУ" 2, 2020

Фото: "Казан утлары"

журналы архивыннан

Иң мөһим һәм кызыклы язмаларны Татмедиа Telegram-каналындаукыгыз

Комментарии