Еллар уза...

Еллар уза...

Ә мин алга барам,

Яргаланам язмыш ярыдай.

Сөембикә алкасына охшап,

Баш очымда калка ярым ай.

Гомер уза...

Узган гомер өчен

Айлы кичләр – моңлы тамаша!

Айның яктыртуы – борынгыча,

Моңаюы гына яңача.

Чорлар уза...

Еллар аръягына

Аударыла гомер олавы.

Сөембикә елавына охшаш

Җилләрнең дә быел елавы...

 

"КУ" 02, 2019

Фото: pixabay.com

Теги: шигырь

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: