Еллар аша сөйләшү

Я ш ү с м е р .

Төрле шартта, мине санлап, сүзсез биргән

күрсәтмәңнән аңкып тора зур хаклык.

Алдашмыйча яшьлегемә алыштырам –

Язмыш ханым, иңсен инде зирәклек!

Я з м ы ш   х а н ы м .

Тиктомалдан нигә болай кабалану,

насыйп кылса, фәйләсуфлык бер килә;

мондый нигъмәт, балакаем, авыр сынау,

көмеш чәчләр исәбенә бирелә...

А к с а к а л .

Тәкрарлыймын, Язмыш ханым: тәкъдирдәге

яшьлегемне тәмам сызып атма син.

Аннан башка күпләп хикмәт чәчә алмам –

үзем белән һәрчак бергә атласын.
 

"КУ" 07,2021

Фото: pixabay