Логотип Казан Утлары
Шигърият

Дәвамчылар калырмы?

Догалардан калдырмыйк без әткәйләрне, Догаларсыз мәхрүм итмик әнкәйләрне...

Авыр кайгы сулышларга капкан чакта,

«Әни!» диеп яшь аралаш илерәбез.

Аянычта таянычсыз калган көндә

Әткәйләрнең бер сүзенә тилмерәбез.

Догалардан калдырмыйк без әткәйләрне,

Догаларсыз мәхрүм итмик әнкәйләрне...

Күп кирәкми: җитә бары, истә тотсак,

Васыять итеп алар безгә әйткәннәрне.

Олыгайган көнебездә үкенсәк тә,

Нигә диеп, элегрәк аңламадык.

Бүген менә зикер әйтеп куанабыз...

Соңламадык, шәт, иншалла, соңламадык.

«Догалардан калдырмагыз, балалар!» – дип

Сорар көннәр килеп җитәр безгә дә бер.

Азан әйтер, «Йәсин» чыгар дәвам калса,

Иман белән кичкән булыр безнең гомер.
 

 

"КУ" 04, 2022

Фото: pixabay

Теги: шигырь поэзия

Иң мөһим һәм кызыклы язмаларны Татмедиа Telegram-каналындаукыгыз

Нет комментариев