Чынлап сөйсәң...

Чынлап сөйсәң, сөю яман икән:

Гыйшык утларында янам, иркәм.

Әйтерсең лә унсигездә яшем,

Һаман янып, сөеп, көеп яшим...

Сөйләсәм дә – синең хакта сүзем,

Бер Аллаһым бирсен миңа түзем.

Сине уйлап түгелә күз яшем,

Син юкта да синең белән яшим...

Чынлап сөйсәң, сөю шундый икән...

Миңа сиздермичә генә, иркәм,

Янасыңдыр эчтән, көясеңдер –

Син дә, бәлки, шулай сөясеңдер...

"КУ" 6 (июнь), 2019

Фото: pixabay

Нравится
Поделиться:
Реклама
Комментарии (0)
Осталось символов: