Чир

Чир белән җир бердәй яңгырашлы,

Ахры, чир ул махсус җирдән килә,

Безнең тәннәр бит ул җиргә азык,

Чир кимергән тәннәр җиргә иңә.

Авырулар килә-китә тора,

Куркынычы аның – исемсез чир,

Ул аждаһа – шулай азык җыя,

Җир куены көтә тәнне... тәкъдир.

Ахры, чир ул әҗәл токымыннан,

Чир-кармагын җайлап сала әҗәл,

Җан-бәгырьгә үрелгәннән бирле,

Шуннан котылырга эзли әмәл...

"КУ" 02, 2019

Фото: pixabay.com