Логотип Казан Утлары
Шигърият

Бу якларда

Уйдыкларда җиләк исле һава тәмле.

Челтер-челтер су тавышы – улакларда,

Җил китергән курай моңы – колакларда.

Җилләре дә иркә икән, назлы икән,

Һәркем монда җырлы икән, сазлы икән.

Һәркем монда дастан сөйли – шагыйрь икән,

Җан тәрәзен сөенечләр шакыр икән.

Тәнгә шифа, җанга бәлзәм гөлләр исе,

Күз камаша – серле балкыш үрләр өсте.

Уйный нурлар аллы-гөлле, дөнья ямьле,

Уйдыкларда җиләк исле һава тәмле.

Җилферди бер ап-ак яулык – еракларда,

Оҗмах, валлаһ, оҗмах икән бу якларда!
 

 

"КУ" 12, 2021

Фото: pixabay

Теги: шигырь поэзия

Иң мөһим һәм кызыклы язмаларны Татмедиа Telegram-каналындаукыгыз

Нет комментариев