Бүре улый

Бүре улый...

Безгә карап улый,

Алмакчы ул соңгы табышыңны.

Ул әлегә таба алмый безне,

Син чыгара күрмә тавышыңны.

 

Бүре улый...

Айга карап түгел,

Җырларыңа карап, тарихыңа.

Өлешеңне тартып алмакчы ул,

Утырырга тели табыныңа.

 

Улый бүре...

Әллә бүре түгел,

Шайтан үзе улый бүре булып.

Иманыңа, телгә кулын суза –

Корбанына гүя томырылып.

 

Бүре улый...

Танымыйсың гына,

Киемнәре сарык тиресеннән.

...Син чыгара күрмә тавышыңны,

Коры кала күрмә өлешеңнән.

 

"КУ" 11, 2020

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: