Болан

Яр буенда болан ята,

Сузып хәлсез аякларын.

Күтәрә алмый өскә башын,

Карга баткан тоякларын.

Яр өстеннән кеше үтә,

Ә боланның соңгы төне.

Үлем көтә, күзләр йомык,

Күрмәде ул соңгы көнне.

Яши авыл – бара-кайта,

Көн дә аңа җае чыга.

Ә мин яр астында... телим

Болан булып кычкырырга.

Кар ява да ява һаман,

Гәүдә әзер күмелергә.

Юкса болан килгән иде

Кешеләргә күренергә.

 

"КУ" 9, 2019

фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: