Безнең киләчәкләр – куе томан

Безнең киләчәкләр – куе томан...

Ул томанда бәхет бар сыман.

Текә ярдан суга сикергәндәй,

Шул томанга чумам ярсудан.

Безнең киләчәкләр – куе томан...

И, киләдер ерак карыйсы.

Өметләнәм – шул томанда көтә

Җиләк исе безне, кар исе.

Безнең киләчәкләр – куе томан...

Кайвакытта бераз ачыла.

Юк, кирәкми! Үз вакыты белән

Килсен шатлык, сагыш – барсы да!

 

"КУ" 10, 2016

Фото: pixabay

Теги: поэзия

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: