Беләм инде синең карарыңны...

Беләм инде синең карарыңны –

Без китәбез төрле якларга.

Беләм инде, күптән тартыласың,

Күптән тартыласың ятларга.

Ятлар диюем дә дөрес булмас.

Минем өчен генә ятлардыр.
Инде күптән синең йөрәгеңдә

Башка берәү урын тапкандыр.

Инде беләм – синең хатларыңда

«Сөям» дигән сүзең тик ялган.

Инде күрәм – синең күңелеңдә

Җиде ятлар булып мин калган.


 

"КУ" 10, 2021

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: