Барыбер аерылабыз...

(Елмаеп-көлеп кенә)

...Барыбер аерылабыз:

Моны мин дә,

Хәтта син дә күптән беләсең.

Ләкин син дә, хәтта мин дә белмим

Нәкъ «шул көннең» кайчан киләсен.

Ярты көн дә тормас идең – белсәң,

Тормас идем – белсәм, бер көн дә.

Тик... барыбер аерылабыз,

Кайчан? –

Җирдә моны белми беркем дә!

Моны бары Аллаһ кына белә,

(Ул – күктә, иң биек каттадыр).

Белдерергә... безнең түземлекнең

Беткән көнен көтеп ятадыр.

 

"КУ" 1, 2020

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: