Барда тәрәзәләре

Кояшка карап елмая
Барда тәрәзәләре.
Һәрберсе үзгә бер дөнья,
Үз матурлыгы, яме.
Алар да безнең шикелле –
Була төрле көннәре.
Болыт басса, көн бозылса,
Моңсулана йөзләре.
Истән чыкмый, сагындыра
Барда тәрәзәләре.
«Кайтыр» дип карап тора күк
Шуннан әнкәй күзләре.
Туган як бизәкләре лә,
Тормышым бизәкләре –
Һәр күңелгә нур өстәүче
Барда тәрәзәләре.

«КУ» 05, 2025

Фото: unsplash