Шигърият
Бал онык
Гомер буе баллы телле – Туган телле бул, балам!
Баланың баласы – балдан татлы.
Халык әйтеме.
Күкләр сөеп биргән бәхет –
Балдан татлы оныгым.
Сагыныплар көтеп торган
Иң кадерле кунагым.
Ул яраткан сый-нигъмәтне
Пешереп каршы алам.
Ә бабасы бал каптыра: –
Баллы телле бул, балам!
Умартачы бабасының
Сыен яратты онык.
Бал бабай, дип, муеныннан
Коча, тезенә кунып.
Балдан татлы оныгыбыз
Үз көенә йөгертә.
Бал бабай да бал әби, дип,
Сөйгән саен сөйдертә.
Озатканда оныгымны,
Теләкләр теләп калам: –
Гомер буе баллы телле –
Туган телле бул, балам!
"КУ" 01, 2018
Фото: pixabay
Теги: поэзия
Иң мөһим һәм кызыклы язмаларны Татмедиа Telegram-каналындаукыгыз
Комментарии
0
0
Рәхәтләнеп укыйм шигырьләрегезне, Сания ханым! Шундый төгәл итеп әйтә беләсез. Көн кадагына шигырьләрегез, бик күпләргең күңел халәтен чагылдыралар дип уйлыйм.Афәрин! Сокланам! Сөбханалла! / Рушания Габбасова
0
0
0
0
Рушания, якташым! Чиксез рәхмәт!
0
0