Авылыма кайтам

Кайларда йөртсә дә язмыш,

Уйлар гел туган якта.

Таныш юлларым мине еш

Авылыма алып кайта.

Кадерлеләрдән кадерле

Туган авылым минем.

Җыр-моң тулы күңелемә

Илһам бирүче җирем.

Туган авыл, туган нигез,

Яшәү сулышың башка.

Якынлыгың, җылылыгың

Тоям күңелем аша.

Сагынуларым чиктән ашып,

Җанымны сагыш басса,

Кайтамын хәтер буйлап та,

Кайтам җырларым аша.

Ашкынып тибә йөрәгем

Авылыма кайткан чакта.

Тулы шатлык, тулы бәхет

Була тик туган якта.

"КУ" 5 (май), 2019

Картина авторы: Ольга Одальчук; pinterest.ru

Нравится
Поделиться:
Реклама
Комментарии (0)
Осталось символов: