Аптырау

Әллә ничек хәзер, әллә ничек –

Йә ачылмый, йә ябылмый ишек.

Сагындыра салмак тибрәлүче

Матча кадагына аскан бишек.

 

Бишек урынына гамак корып,

Юксынабыз юкны, тамак кырып:

Утыр идең утызыңа кадәр,

Бишегеңнән аяк салындырып...

 

Ни майтардык, бишекләрдән төшеп?

Күәс төпләрендә әчеп-төчеп,

Күбекләнеп бер күпергән идек,

Йөрү әле менә әйрән эчеп...

 

"КУ" 09, 2017

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: