Акланмаган фидаилык

Гөрләп торган сәүдә йорты яна –

кемдер кызыл әтәч җибәргән.

Базар тоткан бәгъзе чарыс затка

гүя әфсенләүче җил бәргән.

 

Хәтта көя сөймәс чүпрәк өчен

шулай кат-кат утка кер әле!

Мамык кыры сыман дөрли талчук,

шарт-шорт ата иблис коралы.

 

Ялкын теле бии хәтәр туйда,

кием чөеп уйный өрәкләр;

яшен ташы булып оча кебек

урыныннан купкан йөрәкләр.

 

Гомер хакын белә алмас малдар,

фәкыйрь илдә ничә ел баеп.

Коткарылган шәрә манекеннар

кар өстендә ята елмаеп...

 

"КУ" 6, 2020

Фотоpixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: