Аккош яктылыгы

Кесәләр – буш һаман,

Күңелләр – бай...

Көннәр ага шулай үз көенә.

Юк байлыктан, сукбайлыктан туеп,

Шигыремә кайтам – үз өемә!

Шигыремдә – ак кыш яктылыгы,

Җанга төшә – аккош күләгәсе.

Сагындырган шигырь...

Газиз өем!

Тормыш –

Язмышымның матур кинаясе.

Үз өемдә иркенәеп китәм...

Аккош яктылыгы – күңелемдә.

Гомер касәсеннән уйлар ташып,

Түгелергә тора, түгелергә...

“КУ” 10, 2019

Фото: pixabay