Ах, бу хәтер!

Ах, бу хәтер!..

Иләнәсе иләнгән дә

Калган гыйззәт ятмалары...

Үткәннәрдән күчтәнәчләр килә

Тартмаларда –

Баллы, татлы!

Һаман килә өем-өем

Бер-бер артлы...

Һәр тартмада тәгамнәрнең

Иң тәмлесе;

Сурәтләрнең иң купшысы,

Нәкышлесе;

Көнкүрешнең, яшәешнең

Шат, гамьлесе –

Алып кына өлгер,

Таң атуга далаларга

Таратканчы җилләр...

Нигә шундый татлы икән,

Кәрәздәге балдай

Хәтер күчтәнәче?

Чылбыр булып тапшырыла

Дәвер үтенече

Өтерләрдә...

Өзелмәскә буын бәйләнеше,

Үткәннәрме йөри әйләнешеп

Хәтерләрдә?

Бу хәл миндә генә мәллә??

Замандашлар:

«Әллә нинди син», – дип

Әйтерләр дә!..

"КУ" 12, 2019

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: