Логотип Казан Утлары
Шигърият

Айбагар

Ярымайны олылаудан мөселманга туры юл...

Бу шигырь минем шәхси карашларыма нигезләнеп язылды

Мәчет өстендәге айны

Алдан күргән төркиләр.

Айга багуны татарга

Керәшеннәр теркиләр.

 

«Ай багар...

Татар кешесе

Айга багар», – дигән ул.

Ярымайны олылаудан

Мөселманга туры юл.

 

Керәшен – сатлыкҗан, димә,

Бу – сүзе күңеле тарның.

Ул саклаган ай багарын,

Ярымаен татарның.

 

«Кояш» сүзен борынгылар

«Көн» диеп атаганнар.

«Айбагар»ны «көнбагыш» дип

Үзгәрткәннәр татарлар...

 

...Мәчет өстендә ярымай.

Кагылмасын ла ятлар! –

Айга багучы яисә

Ай багар кеше – татар!..

 

Менә шуннан керәшенне

Татардан куып кара...

«Керәшен – сатлык», – диген дә

Мәчет башына кара.

 

Күр, анда бит керәшеннәр

Саклап калган ярымай!

Ай багар – син, айга багар

Карт бабай һәм яшь малай!..

 

Кем саклаган ярымаен,

Ай багуын татарның?!.

Керәшен ул – сатлык, димә,

Бу – сүзе күңеле тарның...

"КУ" 9, 2018
Фото: pixabay

Теги: шигырь поэзия

Иң мөһим һәм кызыклы язмаларны Татмедиа Telegram-каналындаукыгыз

Нет комментариев