Ачы гамь

Ркаил Зәйдуллага

Ничә ел бер юлдан атлыйбыз,

Сулыйбыз шул бер үк гамьне без.

Баллана алмыйбыз,

Гамь ачы, –

Шуңа да гел балан тәмле без.

Язмышка язылган, күрәсең,

Гамьнәрнең ачысын йотарга.

Үтеңне сытардай ачыдан

Сискәнү

Күпвакыт коткара.

Йомылып

Йә оеп калудан

Коткара.

Һәм алга этәрә.

Бу җиргә, мөгаен, килгән без

Кышларны уятып китәргә!..

 

"КУ" 12, 2018

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: