Аһ, син көз!

Аһ, син көз!

Күңел үзгә...

Тезләнәсе килә сары яфракларда...

Үз кешеләр ерагая бара,

Күңел төшә, бәлки, ятракларга?

Аһ, син көз!

Төсләр үзгә...

Кып-кызыл ла Миләш тәлгәшләре.

Мин Өрәңге булып басып торам,

Һәм озатам көзге кәләшләрне.

Аһ, син көз!

Син тик сүз лә...

Син бары тик фасыл!

...ул үтәчәк.

Кызыл керфекләре тибрәнә дә,

Күзен кыса миңа бер гөлчәчәк. 

 

"КУ" 01, 2022

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: