Юк җанның әнисез чаклары!

Гомеремнең

Әниле еллары белән

Әнисез еллары тигезлеге

Җитте...

Әниле елларның яктысы

Әнисез юлларым яктыртты.

Әниле елларның җылысы

Җылытты гомерем яртысын...

Рәнҗетсә әнисез елларым,

Әниле балачак юатты.

Әнисез елларым елатса,

Әниле яшьлегем

Яшемне сөртергә мең кайтты...

Әнисез җуелган нигезне

Әниле хәтерем саклады.

Әниле, әнисез еллар бар...

Юк җанның әнисез чаклары!

"КУ" 7, 2018
Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: