***

Шагыйрьләр – тел сакчылары, имеш.

Кемгә кирәк синең шигырең?

Эшкуарлар хәзер мәйдан тота,

Акча куып сыза гомерен.

Милләтең дә кирәк түгел аңа,

Мөһим түгел аңа динең дә.

Авылына кайтып мәчет сала,

Дога кыла кяфер телендә.

Иван белән рифмалаша Иман,

Бетеп бара телнең кадере.

Шагыйрьлегең синең кемгә хаҗәт,

Булмаганда шигырь әҗере.

Тик ялгышам бугай, шагыйрь дустым,

Дөнья тынгач соңгы туйдан соң,

Бар шул әле синең шигырь белән

Кабер ташын язып куясың.

"КУ" 1, 2017

Фото: pixabay