***

Кар төшә дә эри,

Кар төшә дә эри...

Әйтәлми дә кала

Әйтерен дә берни...

Әйтере югыйсә

Җыелган бихисап...

Бөтереп, тузгытып

Иләмсез җил исә...

Җилгә әйттең ни дә,

Әйтмәдең ни җилгә –

Үчегеп көлә ул,

Йә ачынып тиргәп...

Җилнең йөгәне юк,

Юк җил дилбегәсе...

Җилнең бар белгәне –

Каерып бөгәсе...

...Күз ачып йомганчы

Кар төшә дә эри...

Көзне лач елатып,

Карусыз җил йөри...

 

фото: pixabay.com

Нравится
Поделиться:
Реклама
Комментарии (0)
Осталось символов: