Шәмгә карыйм, дуслар. Һәм көнләшәм

Шәмгә карыйм, дуслар. Һәм көнләшәм –
Нур өләшә янып беткәнче.
Утта янып, үзе һәлак була,
Янып төшә төпкә җиткәнче.

Караңгыда аймалышта калып,
Уй-фикер тик табам, дип бары
Кеше шәмне бар иткәндер юктан –
Рухы күтәрелгән югары.
Шул шәм кебек янып беткәндә дә,
Бер мизгелгә калсын нурларым!

Сэмэн Тумат

Ркаил Зәйдулла тәрҗемәсе

"КУ" 06, 2021

Фото: pixabay