Шагыйрьләрнең йөрәгеннән үтә...

Шагыйрьләрнең йөрәгеннән үтә

Җир йөзенең барлык юллары.

Аңа барып тия, кайда гына

Атылса да мылтык уклары!

Кем өчендер төн карасы ятса

Кара шәүлә булып гүренә,

Шагыйрь өчен – анасының кара

Шәле булып бары күренә.

Чаларса да, сабый булып кала,

Ышанычын тәмам җуйса да,

Анасына сөеп караган күк

Карый шагыйрь бөтен дөньяга.

Сабый бала беренче кар күреп

Сөенсә дә, шагыйрь шатлана.

Кемгә төбәп атылса да уклар,

Шагыйрь йөрәгенә кадала.

 

"КУ" 10, 2017

Фото: pixabay

Теги: поэзия

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: