Еракта җемелдәгән ут

Еракта җемелдәгән ут,

Туган якның күрсәт юлын.

Туган йортның бусагасы

Сагынгандыр газиз улын.

Мин тәкъва да, гөнаһлы да,

Егылдым да, мин тордым да.

Алла күрә – мин сынмадым,

Юкка түгел тууым да.

Еракта җемелдәгән ут,

Сакла минем елларымны
Өшеткеч туң катлавыннан,

Җылыт барыр юлларымны.

Бозландырма күзләремне –

Мин битараф була алмам.

Җаным күккә ашкынганда,

Үзем җирдә тамырланам.

Еракта җемелдәгән ут –

Үт тә карлы бураннарны,

Тарат бөтен шикләремне,

Оныттыр бар борчуларны.

Аварчадан Рафис КОРБАН тәрҗемәсе

"КУ" 09, 2021

Фото: pixabay