Чират

Зур бер ташка мин утырдым барып,

Юл читендә шунда тукталып.

Ял итәбез гүя өчебез дә –

Мин дә, юл да, таш та, тын калып.

 

Шулчак яныбызда үскән куак

Үләнгә сүз кушты пышылдап.

Тыныч кына яткан җирләреннән

Таш та, юл да сүзгә кушылды.

 

Бәхәс купты алар арасында.

Озак кына бәхәс тынмады.

Ишетмәдем берсенең дә сүзен,

Мин бары тик ташны тыңладым.

 

Таш сыртында бүген утырамын,

Кызык түгел инде берсе дә.

Күп тә үтмәс, ул таш кукраеп

Утырачак минем өстемдә.

 

Әскәр Додуев

Балкарчадан Рафис КОРБАН тәрҗемәсе

 

"КУ" 11, 2018

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: