Кардәш халыклар әдәбиятыннан
Чайкама ла башны, аргамагым...
Әҗәткә дип бирелми шул вакыт, Бер төшерсәң кулдан тезгенне.
Чайкама ла башны, аргамагым,
Яратылмаган син орышка.
Күз иярмәс елгыр бу тормыштан
Өч көн сорап алдым бурычка.
Сорап алдым – и, шатландым шуңа,
И, ашкындым килер таңнарга.
Җәяү киттем күз яшемне тәмләп,
Әрем тәме иде аңарда.
Кайларда син, ярсу аргамагым,
Карлар күмә әнә эзеңне.
Әҗәткә дип бирелми шул вакыт,
Бер төшерсәң кулдан тезгенне.
"КУ" 01, 2021
Фото: pixabay
Теги: поэзия
Иң мөһим һәм кызыклы язмаларны Татмедиа Telegram-каналындаукыгыз
Нет комментариев