***

Ачыла-ачыла инде асыл чәчкә,

Түгелә-түгелә инде мөлдер чишмә,

Өзелә-өзелә генә бер сандугач –

Унсигезем тулган мәлләргә хас.

 

Алсу-зәңгәр генә күк төсләре,

Иләс-миләс кенә җил искәне,

Узыша-куыша вакыт колынчагы –

Бер егеткә үлеп гашыйк чагым.

 

Сак-сак кына болан тояклары,

Тәлгәш-тәлгәш миләш ботаклары,

Каерып-каерып чабар печән өсте –

Бала гына көткән мәлем төсле.

 

 

Ленар ШӘЕХ тәрҗемәсе

 

"КУ" 9, 2015

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: