Тукай таптап тузан иткән ташлар...

Тукай таптап тузан иткән ташлар
дуен булып яткан Җаекка...
Һәм саеккан Җаек... Йөзмәс булган
шагыйрь кереп баскан каеклар.
Ник уалган димсез бу ташлары?
Тукай шулай авыр булганмы?
Ә бармы соң Җирдә җиңел шагыйрь –
шагыйрь иңнәрендә ил гаме!

Казан ташы, бәлки, күтәрер дип,
Иделенә кайткан әйләнеп...
Көтмәгәндә, Тукай җиргә иңгән,
иңнәренә алгач галәмне...
Күңел кошы калган бу дөньяда –
тар дөньяга ничек сыясың?
Ул шагыйре кебек ятим түгел –
Һәр йөрәктә аның оясы!

 

"КУ" 04, 2021

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: