Беләзек
Сагынганда карар өчен
Бүләк иттең беләзек.
Олы бүләк, соңгы бүләк –
Гомерлеккә истәлек.
Беләзегең, әнкәй, матур,
Кулларыма килешә.
Сагынмаган бер көнем юк,
Син газизем гел истә.
Аерылу билгесе күк
Чын күңелдән бүләгең.
Нурлы йөзең күз алдымда,
Өзеләдер үзәгем.
Гомер үтә, көзләр җитә...
Югалмас ул истәлек.
Кызым кулларын да бизәр
Шушы ядкарь беләзек.
Рушания АБРАХИМОВА
Мәскәү шәһәре.
"КУ" 03, 2021
Фото: pixabay
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84