Рәхәт

Яшенләп үтте яңгыр,

Пычранып беткән күкне

Чип-чиста итте яңгыр.

Җил сыйпады күк йөзен,

Күк үтә күренмәле.

Терекөмештәй ап-ак

Тамчылар дерелдәде.

Баш очында сайраган

Тургайга үрелмәле.

Ак җеп сыман нәп-нәзек

Нурларга төренмәле.

Күпереп торган куе

Үләнгә күмелмәле.

 

"КУ" 9, 2020

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: