Логотип Казан Утлары
Балалар китапханәсе

Чәкчәк

Чиккән сөлге өстенә Түбәтәйләр куелган.

Гәрәбәдәй уелган,

Сап-сары бал коелган,

Чиккән сөлге өстенә

Түбәтәйләр куелган.

Чәкчәк табын түрендә

Яктылык сирпеп тора,

Затлылык кертеп тора,

Телеңдә эреп тора.

Манпасилы өсләре,

Кояш кебек төсләре.

Пешерүчесе кемдер, –

Ничек уңган төшләре!

Көлеп тора, кара син!

Белеп тора бәһасен!

Татар сыен кунаклар

Авыз итеп карасын.

Милләт йоласы, йөзе,

Бик тәмле телле үзе,

Кунакка милләтемнең:

«Рәхим ит!» – дигән сүзе.

Мирас – безгә борыннан,

Болгар иле чорыннан,

Игенченең сәламе

Алтын иген кырыннан.

Вәсимә ХӘЙРУЛЛИНА

 

"КУ" 10,2018

Фото: pixabay

Теги: шигърият татарча шигырь

Иң мөһим һәм кызыклы язмаларны Татмедиа Telegram-каналындаукыгыз

Нет комментариев