Алмалы кичтә

Ян капканы ача да

Җил кыштырдый бакчада.

 

Без дә эчкә керәбез,

Алмагачта – пәрәвез.

 

Кояш байый... Ап-аллар

Пәрәвезле алмалар.

 

Йокламакчы әллә гел,

Күзен йома лаләгөл.

 

Зәңгәр капка төбендә

Утырабыз бүген дә.

 

Алма тешлим керт тә керт,

Карыйм авыл күгенә.

 

Җил кабарта чәчемне.

Күккә алмаз чәчелде...

 

"КУ" 9, 2020

Фото: pixabay

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: