Сөеп кал

Ак болыт — аргамак чабышы,

Гомерләр — болытлар агышы...

Хыяллар — яшәүнең табышы...

Кайтаваз — җаннарның тавышы...

Гомерләр болыттан тамчымы?

Яшәүләр аҗаган-камчымы?

Өметләр мәңгелек ялчымы?

Ә хисләр сөюгә яучымы?

Яучыны борулар — начар фал...

Юлыңа чыгамын, каршы ал.

Офыкның читләре комач-ал...

Мәңгелек сөюем булып кал.

Гомерләр — бер мизгел, сөеп кал!

Алия Әбрарова

Фото: pixabay